خايف أكون فارس لكل أميرة تعشقني
وخايف لحظه حب تسرقني
تفرقني
عن المحبوب
ونار الحب تحرقني
وتكويني
تنسيني
قلبي اللي كان بالحبيب
حيران
وخايف أكون صورة لطيف إنسان
أكون حتى خيال شيطان
افرق بين حبيب وحبيبه
وأنا إنسان
وصاحب قلب
بيعرف معنى كلمه حب
يدوق فيها الحنان
وخايف ليغرق قلبي في الأحزان
بدون ما اقصد
أو أتعمد
وفيه بسمه على قلبي
تعبر لحظه عن حبي
وخايف أكون عارف
بأن مصيري بين الناس
أكون عايش
بدون إحساس
مجرد كتله حجريه
عليها لعنه أبديه
لانى عشقت جنيه عشقت ألوف
وخايف لأموت م الخوف
لان الخوف هيقتلنى
يحولني
لصورة بسمه مشروخة
ومحطوطة على الجدران
ومحبوسة في وسط نيران
في قلبي كلام
لو يخرج يزلزلني
ويجعلني أموت م الخوف
صحيح خايف
ساعات نفسي بتسألنى ..
وليه خايف ..
أرد .. أقول ..
أنا عارف ..
أنا مسئول ..
لان جوه قلبي ملاك
ملاك بيحب
بيصرخ جوه نبض القلب
بأني حاعيش
وحافضل أحب
أحب الحب وجنونه
أحب الوهم وظنونه
أحب الخوف
يفضل خوفي جوايه
يطوف حواليه ومعايه
ويملكني .. ويهلكني
ساعتها أكيد حاموت .. م الخوف
موضوع: خايـ ـ ـ ـف 
الإثنين أغسطس 04, 2008 6:07 pm
كلام جميل يا جدو بس الخوف مش بيقدم الخوف بيوقف صاحبه مكانه فأبعد عن الخوف وحاول تكون فارس لان الزمن ده عاوز جدو ابليس ابو الفوارس وتقبل مرورى اخوك رأئد 
