موضوع مهم يهم جميع الاعضاء غير بتاع صقورى حوبى الهدف منه نعرفك اكتر

هو موضوع حلو
بس معتقدش ان ولا اقولك ماشى ابتدى انا
انا زى ماقولت فى عرف نفسك مع صقر اسمى احمد وطريقه معرفتى على محمد ( صقر ) عن طريق الصدفه بالشات استريحنا لبعض اخدنا ميلات بعض رغينا فى تليفونات بعض اتخرب بيت اهلنا مع بعض المهم فى الاخر قابلنا بعض وبجد انا حبيته اوى واحترمته كاخ صغير ليا فى السن بس كبير فى عقله
انا بحب اسمع اغانى كتير اوى وخاصه اليسا وفؤش
رومانسى بطريقه غبيه لدرجه انى كرهت نفسى بسبب كده
بحب الخير لكل الناس ومش بعرف اكره حد
مش عارف اقول ايه تانى
اللى عنده اى سؤال يتفضل وانا ممكن اجاوب عليه

موضوع جميل يا طائر احييك عليه بس كنت اتمنى طارح الموضوع كان يبدأ بنفسه يمكن كنا نقدر نحدد الشخصيه اللى هنقولها عن نفسنا وعامة انا هكلمكو عن نفسى يمكن تلاقو فيا بعض العيوب ممكن تتجنبوها او بعض الصفات ممكن تتحلو بيها وتستفيدو منها اولا اان شاب من منطقه شعبيه اسمها شبرالخيمه من اسرة بسيطه نقدر نقول عليها مكافحه ارتبيت وعيشت بين تلاته اخوات غيرى كلنا شباب انا رقم 2 فيهم وكنت اكتر واحد متفوق فى التعليم فيهم وده بدون مبالغه لكن شاءت الظروف انى مكملش دراستى واتجهت للعمل وبدات اكسب وعملت فلوس منهم عربيه وشقه فى مدينة نصر لكن دائما تاتى الرياح بما لا تشتهى به السفن انا طبعا كنت شاب وصغير وعيشت لوحدى كتير وطبعا اسوأ شىء فى الدنيا الشاب او البنت اللى يعيشو من غير رقابه وطبعا المفروض يكون كلامى فهمتوه من غير ما اكمل واختصر كلامى بان كل شىء عملتو ضاع لكن استفدت وبدات اقف تانى على رجلى وبقيت اشتغل تانى وعلى فكره انا بشتغل سواق تاكسى وبدأت رحلتى مع رائد اللى ادامكم ده دلوقتى شخص مكملش تعليمه لكن مثقف والحمد لله شخص بدأ يتحكم بعقله فى كل شىء شخص بدأ يعرف الكلمه ومعناها وايه هيفيد منها وايه هيضر وبدات واستمريت على رائد لغاية ما وصلت لرائد حلال المشاكل اللى معاكم هنا فى المنتدى اللى عرفنى عليه صقر وانا مش بخجل يا جماعه من نفسى ولا من طبيعتى اللى كانت واللى بقت دلوقتى بالعكس سيدنا عمر رضى الله عنه قال خير الخطائين التوابين وخيرهم من اعترف بخطئه وانا الحمد لله اعترفت بخطئى وتداركته بعد كده وبقيت رائد حلال المشاكل اللى بلا مبالغه والله ناس كتير من بره مصر جاتلى وشافتنى وقعدت معايا من بعد ما استعانت بيا فى مشاكلهم وكان توفيق ربنا ليا فيها كبييير جدا وناس كتير كمان من مصر ولما نجحت فكده بقيت من شخص تافهه وضايع مع اشياء كتير غلط فى حياته الى رائد حلال المشاكل العاطفيه اللى بيتكلم بعقله مش بلسانه وبيحتفظ بخفة دمه زى الناس ما وصفته وعلى اللى ساعدنى فكده اولا توفيق ربنا ليا ثم انى عاوز كده باختصار اللى عاوز شىء ومؤمن بيه اكيد ربنا هيوفقه فيه واتمنى مكونش طولت عليكم واتمنى ربنا يوفق الجميع واقبلو مرورى اخيكم : رائــــــــد حلال المشاكل العاطفيه

بدايه رائد طبعا الحمدلله انا قعدت معاك يمكن مره واحده بس بجد حبيتك جداااااااااا وقربت منك اوى وتأثرت بشخصيتك لانك بجد انسان كويس ومحترم جدااا وفعلا كلامك كله صح اللى انت ذكرته ده
واخيرا انا بجد بعتز بمعرفتك واخوتك ليا
اخوك احمد جدو

وانت يا خلود باين عليك شخص كويس جدا ومحترم وده بان من كلامك وبجد انا سعيد بمعرفتك اخوك احمد

حعرفكم بنفسى اكتر
انا اخوكم احمد محمد غريب
فى بكالريوس تجارة خارجية
انا الاخ الاكبر وسط اخواتى او بمعنى اصح انا الكبير بعد اختى الصغيره وكان حيكون ليا اخت اكبر واخين اكبر بس الحمدلله وقدر الله وما شاء فعل توفوا
انا من اسره متوسطه جداا ابوبا موظف بأحدى الهيئات وولدتى ربه منزل
وبالرغم من الخلافات الدائمه معاهم الا انى بحبهم جدااااااا وهما اكتر زى اى اسره فى العالم كله
انا بقى من صغرى بيقولى عليا شقى جدااااا بس دمى خفيف وكانوا متوفعين ليا كليه الهندسه وانا كنت بتمنى كده بس للاسف اهلى سفرونى البلد (المنوفيه) علشان اقعد مع خيلانى اكمنهم موجهين فرنساوى ورياضيات وبالفعل سافرت وقضيت هناك اولى وثانيه ثانوى ويارتنى ما سافرت علشان جبت مجموع زباله فى ثانيه وبالتالى رجعت على القاهره وحولت ادبى وحسيت انه خلاص مش فارقه معايا ادخل اى حاجه لدرجه انى حسيت انى مش حلحق ادخل معهد خاص كمان بس الحمدلله ربنا قدرنى ودخلت كليه التجارة وبسبب استهتارى فى الكليه رسبت مرتين بس الحمدلله قدر الله وما شاء فعل
زى ما قولت قبل كده انا بعز الصداقه جداااااا جدااااااااا وبحب الخير لكل الناس
ويمكن حقول حاجه مش عارف يمكن كتير يضحك عليها انا لو شفت طفل بيعيط مثلا ممكن اعيط جنبه وكهذا شحات مثلا مشهد فى التليفزيون الخ الخ..
ما علينا
انا من هوياتى المفضله ليا الكوره كنت بحب العب كوره ااااااااااوى بس جت لحد فتره كده ومنعتها بسبب تعبى فى قلبى شويه
وبعد كده وانا فى اولى كليه لقيت نفسى بتجه للشعر بجانب الرسم ودخلت مسابقات فى الكليه بس طبعا مكنتش بدخل بأٍسمى محدش يسأل ليه علشان ..... بس وخلاص
بدأت بقى اكتب اغانى واشعار وكنت بقول انها غايه الروعه وبعد ما تعدى سنه مثلا واكتب تانى بحس اللى انا كتبته كان تافه جدا بس الحمدلله عندى مجموعه مش بطاله من الاغانى والاشعار ناس كتير مدحت فيها وشكرت فيها وعجبتهم الحمدلله
وده بفضل ربنا طبعا وصحابى المقربين ليا اللى كانوا ورايا خطوه بخطوه
بالنسبه بقى للحب اكيد طبعا كلنا بنحب الحب بكل ما فيه شوقه لهفته جرحه عذابه ونقع ونقوم ونكمل
وللحديث بقيه
ياريت مكونش تقلت عليكم

السلام عليكم
انا جديدة هنا في المنتدى وهذه اول مشاركتي ، عجبني هذا الركن في المتندى لانه يسمح للمشاركين يعرفوا بعض اكثر، انا عرفت هذا المنتدى من رائد وعن طريق هذا الركن اتعرفت عليه اكثر ، انا سعيدة بوجودي معاكم واتمنالكم كل الخير
عن نفسي، مممممممممممممم، انا اسمي سناء من المغرب، من اسرة ميسورة وكريمة والحمدلله، بابا مهنته "مترجم محلف" ماما ست بيت، احنا 5 اخوات ولدين و3 بنات انا جيت في الوسط يعني رتبة3، دراستي كانت في مجال الاقتصاد بس شائت الاقدار اني ادرس اضافة الى ذلك ترجمة، السنة الجاية ان شاء الله اخذ دبلوم ترجمة، شخصتي هادئة ، لا احب المشاكل، اقدر الحب بمعنى ارتباط وليس تسلية، مممممممممممممممممم، المهم هذا الي عندي هلا ، تقبلوا مشاركتي ، واتمنالكم كل خير

اهلا وسهلا بيكى يا سنااااااااااااااااااااء يارب يحفظك وبجد سعيد جدا بمشاركتك معانا واهى فرصه اعرفك فيها على حبيبة اخوكى رائد وهى اسراء حبيبة قلبى ونور عينى وحياتى اللى بتمناها من رب العالمين واهلا بيكى يا سناء معانا اخت عزيزه علينا وعلى الجميع

مررررررررررررسي كثير رائد، متشوقة اعرف حبيبتك وان شاء الله ربنا يجمعك لما يرضاه،

هلا طائر شكرا على ترحيبك، لاتنزعج هههههههههههههههههههههههه، اول واحد يسجل بعدي رااااح يكووووووووووووووون في عمركم